Google -ის წარმომადგენლები აჭარას აციფრულებენ. აჭარის ტურიზმის დეპარამენტის მოწვევით, რეგიონს Google-ის ოფიციალური წარმომადგენლები ფოტოგრაფებთან ერთად სტუმრობენ. 10 დღის განმავლობაში ისინი ბათუმს, ქობულეთს, ბოტანიკურ ბაღს, რეგიონის ეროვნულ პარკებსა და მუნიციპალიტეტებში არსებულ ძირითად ტურისტულ მიმართულებებს გადაიღებენ. შედეგად, Google-ის მომხმარებლებს, ძველი ბათუმის ქუჩებსა და აჭარის ტურისტულად მიმზიდველ ადგილებში ვირტუალურად შეეძლებათ იმოგზაურონ. გარდა გადაღებებისა, Google-ის ოფიციალურმა წარმომადგენლებმა რეგიონში მოქმედი ფოტოგრაფებისა და ოპერატორებისთვის ტრენინგი გამართეს, სადაც გუგლის ონლაინ ხელსაწყოების, ფოტოგადაღებებისა და გუგლის რუკის მოხმარების შესახებ ისაუბრეს. აჭარის განახლებული მასალები, გუგლის რუკაზე, ორი კვირის განმავალობაში აიტვირთება.
1
s
s
s