21, ივნისი 2021 18:04:00
ქობულეთის მუნიციპალიტეტში აჭყვისთავი-ჩეხედანა-ლეღვას საავტომობილო გზის რეაბილიტაცია მიმდინარეობს. აჭარის საავტომობილო გზების დეპარტამენტის ინფორმაციით, გზის 530 მეტრ მონაკვეთზე ხელოვნური და დამცავი ნაგებობების მოწყობა დასრულდა და ამ ეტაპზე ასფალტ-ბეტონის საფარის დაგების სამუშაოები ხორციელდება. რეაბილიტირებული სავალი ნაწილი სოფელ ლეღვას და ალამბრის ადმინისტრაციულ ერთეულებს უკავშირდება. ახალი გზით 50 ოჯახი ისარგებლებს.