24, ივლისი 2017 14:04:00
საკონსტოტუციო სასამართლოს და ილიას სახელმწიფო უნივერსიტეტის საზაფხულო სკოლა სტუდენტების მეათე, საიუბილეო ნაკადს მასპინძლობს. სკოლაში წელს 25 სტუდენტი მონაწილეობს. ისინი ლექციებს შემდეგ თემებზე მოისმენენ: სასამართლოს კონტროლის სხვადასხვა მოდელები, სისხლის სამართლის პროცესში მოქმედი კონსტიტუცირი სტანდარტები და საერთაშორისო ნორმები; რელიგიისა და გამოხატვის თავისუფლება. ლექციებს მოსამართლეები, უნივერსიტეტის ლექტორები და უცხოელი ექსპერტები ჩაატარებენ. სკოლის მიზანია მომავალი იურისტების პროფესიული ცოდნის ამაღლება კონსტიტუციური და ადამიანის უფლებათა სამართალში. წარმატებული კურსდამთავრებულები ფასიან სტაჟირებას საკონსტიტუციო სასამართლოში გაივლიან.