25, ივლისი 2017 20:06:00
დაკავებული პოლიციელისთვის აღკვეთის ღონისძიების სახით წინასწარი პატიმრობის შეფარდებაზე სასამართლო ხვალ იმსჯელებს. დღეს კი არჩილ დევრიშაძეს ბრალი ოფიციალურად წარუდგინეს. ადვოკატის თქმით, მისი დაცვის ქვეშ მყოფი ბრალს არ აღიარებს. პროკურატურამ არჩილ დევრიშაძე 21 ივლისს დააკავა. მას ჯერ სამსახურებრივი მოვალეობის გადაჭარბებაში ედებოდა ბრალი, მოგვაინებით კი საქმე გადაკვალიფიცირდა და პოლიციელი ხულიგნობის მუხლით დააკავეს. პოლიციელმა 5 დღის წინ ქობულეთის მკვიდრ 25 წლის რომან ქათამაძეს ქუჩაში ცეცხლსასროლი იარაღიდან ესროლა, თუმცა ქათამაძემ მიმალვა მოასწრო. გამოძიება დევრიშაძეს სისხლის სამართლის კოდექსის 239-ე მუხლით ცეცხლსასროლი იარაღის გამოყენებით ხულიგნობის ჩადენის ფაქტზე ედავება.
155
s
s
s