26, ივლისი 2017 20:05:00
არჩილ დევრიშიძე პატიმრობაში რჩება. გადაწყვეტილება მოსამართლე ვიოლეტა ფორჩხიძემ მიიღო. ქობულეთში მომხდარ ინციდენტთან დაკავშირებით დაკავებული პოლიციელისთვის აღკვეთი ღონისძიების მკაცრი ზომის გამოყენებამდე მან მხარეების არგუმენტები მოისმინა. პროკურატურა მიმალვისა და მტკიცებულებების განადგურების საფრთხეზე საუბრობდა. გადაწყვეტილების გასაჩივრებას გეგმავს დაცვის მხარე. ადვოკატი ირწმუნება, რომ შემთხვევითობას ჰქონდა ადგილი, ხოლო პირები, რომლებიც პროკურატურამ დაზარალებულებად ცნო, დაინტერესებული მხარეები არიან. რადგან ერთ-ერთი მათგანი რომან ქათამაძე წარსულში არჩილ დევრიშაძემ ქურდობაზე პასუხისგებაში მისცა. დაკავებული ბრალს არ აღიარებს და არც ინციდენტის დეტალებზე საუბრობს. პროცესზე იმყოფებოდა მოქალაქე რომან ქათამაძეც. ის ირწმუნება, რომ პოლიციელი მას ემუქრებოდა და ინციდენტის დღეს მისი მისამართით გაისროლა. საქმეზე პროკურატურამ 6 პირი ცნო . პოლიციელ არჩილ დევრიშაძეს გამოძიება ცეცხლსასროლი იარაღის გამოყენებითა და მუქარით ხულიგნობას ედავება. ბრალის დამტკიცების შემთხვევაში მას 4-დან 7 წამდე პატიმრობა ელის.