ახლა კი მოგიყვებით ოპერატორის საქმიანობაზე. ვინ არიან ადამიანები, რომლებიც ახალ ამბებს იღებენ და ყოველდღიურობას აარქივებენ? რა სირთულეს უკავშირდება ქუჩაში ხელში კამერით გამოჩენა და რა გზას გადის ყოველი კადრი ეკრანებზე მოხვედრამდე? ჩვენ ჟურნალისტები, რომლებიც ყოველდღიურად ვხედავთ მათ ღვაწლს, თავგანწირვასა და მონდომებას, სიყვარულს პროფესიული საქმიანობისადმი, გიამბობთ კამერის უკან მდგომ ადამიანებზე.
ოპერატორებთან ერთად კადრებით დაწერილი ბევრი საერთო ისტორია აქვს. „მაცნეს“ წამყვან-რეპორტიორი გვიყვება, რომ ამ პროფესიის ხიბლიც სწორედ ესაა: მოყვე ამბავი, რამდენიმე კადრში. ამბავი, რომლის გადაღების მიღმა ძალიან ხშირად, ბევრი სირთულე დგას. ია გოლიაძე ამბობს, რომ ოპერატორების როლი და პასუხისმგებლობა იმაზე დიდია, ვიდრე ამას მაყურებელი ხედავს.
პასუხიმგებლობებზე და ბევრ სირთულეზე საუბრობს, თამუნა ხოზრევანიძეც. იხსენებს იმ ფაქტებს, როდესაც ოპერატორის წყალობით ისწავლა თუ, როგორ უნდა ემუშავა ფორსმაჟორულ ვითარებაში, როგორ უნდა გაეშუქებინა სხვადასხვა სახის სხდომები. საყრდენი კედელი- ასე უწოდებს აჭარის ტელევიზიის ჟურნალისტი, ოპერატორებს, რომლებიც მუდამ კადრს მიღმა არიან.
ჟურნალისტი კადრს მიღმა, თუმცა მუდამ მოვლენების ეპიცენტრში. კადრი, რომელიც გვაჩვენებს სამყაროს. ჯენი კვანტალიანი ამბობს, რომ მის მიერ დაწერილ ტექსტებში და თემისადმი გაკეთებულ აქცენტებში, ყველაზე დიდი წვლილი ოპერატორს მიუძღვის. ათ წლიანი პრატიკიდან გამომდინარე ფიქრობს, რომ კარგი მასალის მოსამზადებლად ყველაზე მთავარი ოპერატორის და ჟურნალისტის კარგი ურთიერთობაა.
ის შრომა, რასაც ოპერატორები სამუშაო პროცესში წევენ, მაყურებელს სრულად ვერ მიეწოდება, ამბობს, „ფორმულას“ ჟურნალისტი. თამარ თედიაშვილის შეფასებით, რომ არა ოპერატორი, რეპორტიორი საზოგადოებას სათანადოდ ვერ აჩვენებდა ფაქტებს და მოვლენებს. ამბობს, რომ ოპერატორი ჟურნალისტის თვალი და ყურია. კონფლიქტური სიტუაციების გაშუქებისას, იგი ფიქრობს კადრზეც და ჟურნალისტის ჯანმრთელობაზეც.
ოპერატორი, ლექსო ლაშქარავა, სამსახუროებრივი მოვალეობის შესრულების დროს, მასთან ერთად მომუშავე ჯურნალისტის დაცვის დროს დაშავდა. იგი, სიცოცხლის უკანაკნელ დღეებში წერდა, რომ ტელეეკრანებიდან მაყურებელი უყურებს იმას, რასაც ოპერატორები საკუთარი ჯანმრთელობის ფასად აშუქებენ.