20, ივლისი 2021 11:29:00
პრემიერმინისტრის, ირაკლი ღარიბაშვილის განცხადებით, ქვეყანაში ახლა იმაზე მეტი ვაქცინაა, ვიდრე საჭიროა. მთავრობის სხდომის დაწყების წინ ღარიბაშვილმა თქვა, რომ აუცილებელია ვაქცინაციის ყოველდღიური მაჩვენებელი 20-25 ათასამდე გაიზარდოს.
"ვაქცინები იყო პრობლემა. ვაქცინები შევიძინეთ და ჩამოვიტანეთ იმაზე მეტი, ვიდრე იყო საჭირო და შეგახსენებთ, რომ მილიონი ვაქცინა ჩამოვიდა უკვე ორი კვირის წინ. ფაიზერის მილიონი დოზის ჩამოტანა უკვე დაიწყო, ყოველ შაბათ-კვირას შემოვა. ასევე, დაგეგმილია საჩუქრის გადმოცემა ამერიკის მთავრობიდან, რომელიც უახლოეს პერიოდში მოხდება. გუშინ შემოვიდა დამატებით ნახევარი მილიონი დოზა სინოვაკი", - განაცხადა ღარიბაშვილმა.