22, ივლისი 2021 10:06:00
საქართველოში კორონავირუსით ინფიცირების 2 ათას 261 ახალი შემთხვევა დადასტურდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. მათივე ცნობით, ბოლო 24 საათში, კოვიდ19-ით გარდაცვალების 18 ახალი შემთხვევა დაფიქსირდა.
გასულ დღე-ღამეში, უხილავი მტერი ათას 410 ადამიანმა დაამარცხა და ჯამში, გამოჯანმრთელებულთა რაოდენობა გაიზარდა 369 483-მდე.
ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 395 ათას 621-ს შეადგენს. პანდემიის გავრცელებიდან დღემდე ვირუსს ჯამში, 5 ათას 636 პირი ემსხვერპლა.