25, ივლისი 2021 17:41:00
ავტოსაგზაო შემთხვევის შედეგად 10 ადამიანი დაიღუპა. ინციდენტი ხორვატიაში, დილის 06:00 საათზე, ქალაქ სლავონსკი ბროდთან, დედაქალაქ ზაგრებსა და სერბეთის საზღვარს შორის მდებარე მაგისტალზე მოხდა. ინფორმაციას „ევრონიუსი“ ავრცელებს.
მგზავრებით დატვირთული ავტობუსი სავალი ნაწილიდან გადავიდა და ამოტრიალდა. ბოლო ინფორმაციით, დაშავებულია სულ მცირე 30 ადამიანი. ისინი მახლობელ საავადმყოფოში არიან გადაყვანილნი.
ატომაგისტრალი, სადაც ავარია მოხდა, ხორვატიის ერთ-ერთი ყველაზე მნიშვნელოვანი საავტომობილო გზაა, რომელიც ზაფხულის პერიოდში გადატვირთულია ტურიზმის და დასავლეთ ევროპაში დასაქმებულების ხორვატიაში დაბრუნების გამო.