04, აგვისტო 2021 13:03:00
4 დღიანი ძებნის შემდეგ, ლაგოდეხში მცხოვრები 14 წლის მოზარდი ოჯახში დაბრუნდა. გელა ჯიბღაშვილი სამარშუტო ტაქსით სოფელ თამარიანში, სახლში თავად დაბრუნდა.
როგორც მოზარდმა ოჯახის წევრებს უამბო, იგი თბილისში იმყოფებოდა, გზა აერია და სახლში დაბრუნებას ვერ ახერხებდა.
მოზარდის დაკარგვის შესახებ შინაგან საქმეთა სამინისტროს დაკარგულის დედამ აცნობა, რის შემდეგაც ფაქტზე გამოძიება სისხლის სამართლის კოდექსის 143-ე, თავისუფლების უკანონო აღკვეთის მუხლით მიმდინარეობდა.