07, აგვისტო 2021 10:02:00
აგვისტოს ომიდან 13 წელი გავიდა. 2008 წელს, რუსეთის აგრესიის შედეგად 408 ადამიანი დაიღუპა. ხუთ დღიან ომს, საქართველოს თავდაცვის სამინისტროს 169 მოსამსახურის, შინაგან საქმეთა სამინისტროს 14 თანამშრომელისა და 224 სამოქალაქო პირის სიცოცხლე ემსხვერპლა.
დაიჭრა და დაშავდა ათას 700-ზე მეტი ადამიანი. 130 ათასი მშვიდობიანი მოქალაქე კი იძულებული გახდა, საკუთარი სახლები დაეტოვებინა.
რეჟიმმა 50-ზე მეტი ქართული სოფელი გაანადგურა. 2008 წლის 12 აგვისტოს ცეცხლის შეწყვეტის შეთანხმებით აღებული ვალდებულებების მიუხედავად, რუსეთი კვლავ განაგრძობს სუვერენული და დამოუკიდებელი სახელმწიფოს რეგიონების უკანონო ოკუპაციას.