"სოფლის ამბულატორიებში covid-19 -ის საწინააღმდეგო ვაქცინაციაზე მოქალაქეთა მიმართვიანობა მზარდია", - ამის შესახებ ინფორმაცია აჭარის ჯანდაცვის სამინისტრო ავრცელებს.
უწყების ცნობით, ამ დროისთვის, რეგიონში იმუნიზაციის პროცესი 5 სამედიცინო ამბულატორიაში მიმდინარეობს. მოსახლეობას შესაძლებლობა აქვს ,,სინოფარმით“ და ,,სინოვაკით" აიცრან.
ვაქცინაციის პროცესს, გონიოსა და ახალსოფლის ამბულატორიებში აჭარის ჯანდაცვის მინისტრი, ნინო ნიჟარაძე, აჭარის საზოგადოებრივი ჯანდაცვის ცენტრის ხელმძღვანელთან, რუსუდან შავიშვილთან ერთად გაეცნო.
"ხელვაჩაურისა და ქობულეთის ამბულატორიებში ვაქცინაციას აქტიურად იტარებენ, როგორც ადგილობრივი მოსახლეობა, ასევე დამსვენებლები. მაგალითად დღეს გონიოს ამბულატორიაში, საქართველოს ერთ-ერთი რეგიონოდან ჩამოსული დამსვენებელი მეორე დოზის მისაღებად დარეგისტრირდა და აიცრა. კოვიდსაწინააღმდეგო ვაქცინაციის პროცესში სოფლის სამედიცინო ცენტრების ჩართვის მიზანი სწორედ ეს გახლდათ, რომ მაქსიმალურად ხელმისაწვდომი ყოფილიყო იმუნიზაცია", - თქვა აჭარის საზოგადოებრივი ჯანდაცვის ცენტრის ხელმძღვანელმა, რუსუდან შავიშვილმა.
7
s
s
s