საცხოვრებელ სახლში ხანძარი გაჩნდა - ადგილზე 14 სახანძრო-სამაშველო ჯგუფი იყო მობილიზებული
ახალი ამბები
საცხოვრებელ სახლში ხანძარი გაჩნდა. შემთხვევა თბილისში, მოსე თოიძის ქუჩაზე, დღეს დილით მოხდა. ადგილზე 14 სახანძრო-სამაშველო ჯგუფი იყო მობილიზებული.
საგანგებო სიტუაციების მართვის სამსახურის ინფორმაციით, ხანძარი ამ დროისთვის ლიკვიდირებულია და შემთხვევის შედეგად არავინ დაშავებულა.
„შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოვიდა ინფორმაცია, რომ თბილისში, მოსე თოიძის ქუჩაზე მდებარე ერთ-ერთ საცხოვრებელ სახლში შეინიშნებოდა დაკვამლიანება და საჭირო იყო მეხანძრე-მაშველების დახმარება.
ადგილზე მისული ჯგუფების გადმოცემით, ხანძარი გავრცელებული იყო სამსართულიანი იტალიური ტიპის საცხოვრებელი სახლის სასხვენო გადახურვაზე. არსებობდა ცეცხლის უფრო დიდ ფართობზე გავრცელების საფრთხე, თუმცა რეაგირების შედეგად მოხერხდა ხანძრის დროული ლოკალიზება და შემდგომში სრული ლიკვიდირება“, - აღნიშნულია უწყების ინფორმაციაში.
83
.jpg)
s
s
s