10, აგვისტო 2021 11:23:00
"ჩვენ არ ვართ ყოვლისშემძლეები, ჩვენც გვიჭირს გარკვეული სირთულეების დაძლევა", - ეს განცხადება საქართველოს ჯანდაცვის მინისტრმა, ქვეყანაში შექმნილი რთული ეპიდვითარების შეფასებისას გააკეთა.
ეკატერინე ტიკარძის თქმით, ქვეყანაში არსებული რესურსების გათვალისწინებით, პანდემიის სამართავად მაქსიმუმი კეთდება, თუმცა სექტორი მნიშვნელოვნადაა დამოკიდებული მოქალაქეების პასუხისმგებლობაზე.
ტიკარაძის შეფასებით, მდგომარეობა საგანგაშოა და მოსახლეობამ დაწესებული რეგულაციები ზედმიწევნით უნდა დაიცვას.
გამუდმებით ვაფრთხილებთ მოსახლეობას, რომ მდგომარეობა არის ნამდვილად საგანგაშო. არ არის მარტივი სიტუაცია.
ჩვენ ყველანაირად ვცდილობთ, გავუმკლავდეთ პროცესს, მაგრამ კიდევ ერთხელ მინდა მივმართო როგორც მედიას, ასევე მოსახლეობას. ჩვენ არ ვართ ყოვლისშემძლეები, ჩვენც გვიჭირს გარკვეული სირთულეების დაძლევა და ჩვენ დამოკიდებულები ვართ ძალიან მნიშვნელოვნად ჩვენი მოქალაქეების პასუხისმგებლობაზე, ჩვენი მოქალაქეების მხრიდან იმ რეკომენდაციების დაცვაზე, რომელიც ჩვენი მხრიდანაა მიწოდებული და მნიშვნელოვანია, აქტიური თანამშრომლობა იმისათვის, რომ ჯანდაცვის სექტორში არ მოხდეს კოლაფსი.
შეგახსნებეთ, 10 აგვისტოს მონაცემებით, კორონავირუსის 5 697 ახალი შემთხვევა დადასტურდა, 54 ადამიანი გარდაიცვალა.