სამართალდამცავებმა განზრახ მკვლელობის ბრალდებით ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.
„გამოძიებით დადგინდა, რომ ბრალდებულმა მიმდინარე წლის 8 აგვისტოს, თბილისში, პირადი წყენის საფუძველზე, 1976 წელს დაბადებულ გ.ბ.-ს ცივი იარაღის და ბლაგვი საგნის გამოყენებით სხეულზე დაზიანებები მიაყენა, რის შედეგადაც გ.ბ. ადგილზე გარდაიცვალა. დამნაშავე შემთხვევის ადგილიდან მიიმალა."
ძალოვანი უწყების წარმომადგენლებმა, შემთხვევის ადგილიდან, დანაშაულის ჩადენის იარაღი დანა და ჩაქუჩი ნივთმტკიცებად ამოიღეს.
განზრახ მკვლელობის ფაქტზე გამოძიება საქართველოს სსკ-ის 108-ე მუხლით მიმდინარეობს.
"გამოძიება საქართველოს სსკ-ის 108-ე მუხლით მიმდინარეობს, დანაშაული კი 7-დან 15 წლამდე ვადით პატიმრობას ითვალისწინებს", - წერია გავრცელებულ ინფორმაციაში.
1
s
s
s