18, აგვისტო 2021 21:05:00
ბათუმში, გოგოლის ქუჩაზე ხვალიდან მოძრაობა აღდგება. ბათუმის მერიის ინფორმაციით, ტერიტორიაზე ასფალტის საფარის მეორე ფენის დაგება მიმდინარეობს. აღნიშნულ მონაკვეთზე უკვე მოეწყო სანიაღვრე სისტემა, ბორდიურები და ტროტუარი. დასრულდა ამავე ქუჩაზე არსებული ამორტიზებული ხიდის რეაბილიტაცია. პროექტის განხორციელებისთვის მილიონ ნახევარზე მეტი ლარი გამოიყო. სამუშაოები სრულად წლის ბოლომდე უნდა დასრულდეს.