21, აგვისტო 2021 13:32:00
დღეს, ბათუმი-ახალციხის გზაზე ერთი საათით, 16:00 სთ-დან 17:00 სთ-მდე, მოძრაობა შეიზღუდება. ამის შესახებ ინფორმაციას საავტომობილო გზების დეპარტამენტი ავრცელებს. მათივე ცნობით, მიზეზი კლდის ფერდის ჩამოწმენდაა.
"საქართველოს საავტომობილო გზების დეპარტამენტთან გაფორმებული ხელშეკრულების ფარგლებში, შპს „ზიმო-7“ გეგმავს შიდასახელმწიფოებრივი მნიშვნელობის ბათუმი-ახალციხის საავტომობილო გზის კმ57-კმ68 მონაკვეთზე, კლდის ფერდის ჩამოწმენდას (აფეთქებას მცირე მუხტებით). სამუშაოთა წარმოების პროცესში კი უსაფრთხოების უზრუნველყოფის მიზნით, აღნიშნულ მონაკვეთზე, 2021 წლის 21 აგვისტოს 16:00 სთ-დან 17:00 სთ-მდე, ავტოტრანსპორტის მოძრაობა მონაკვეთზე შეიზღუდება", - წერია განცხადებაში.