21, აგვისტო 2021 20:17:00
„ეიცარ ღმერთი ხათრიზა“, „ერიდე ანტივაქსერს, აღრიბასანს და საფრი ხიდს“, „ეიცარი რამითჯერ გითხრა?!“, "ეიცარ და გადაარჩინე დუნია", - ამ სლოგანების შემცველი ფოტოები სოციალურ ქსელში გავრცელდა. ახალგაზრდები ხულოდან, ამ ფორმით, ვაქცინაციის მხარდამჭერ აქციას აწარმოებენ.
ფეისბუქ გვერდი "Khulo LAG - ხულოს ადგილობრივი განვითარების ჯგუფი" წერს: "მოხალისეები მოსახლეობას ყოველდღიურად შეხვდებიან და დაარწმუნებენ, რომ ვაქცინა არის ერთადერთი საშუალება პანდემიის დასასრულებლად".
"არსებული ცუდი რეალობიდან გამომდინარე, ჩვენ კარგად გვესმის, რომ გამოსავალი მხოლოდ ვაქცინააა. სწორედ ამიტომ ხულოში ახალგაზრდებმა დავიწყეთ კამპანია და მოსახლეობს ვაწვდით ინფორმაციას ვაქცინაციასთან დაკავშირებით. მოხალისეები ყოველდღიურად შეხვდებიან მოსახლეობას და დაარწმუნებენ, რომ ვაქცინა არის ერთადერთი საშუალება პანდემიის დასასრულებლად. შემოგვიერთდით და ერთად დავამსხვრიოთ მითები", - ნათქვამია გავრცელებულ ფეისბუქ პოსტში.