24, აგვისტო 2021 21:58:00
2 სექტემბერს, ბათუმში დაგეგმილი საქართველოს და კოსოვოს ეროვნული ნაკრებების საფეხბურთო მატჩი მაყურებლის გარეშე გაიმართება. გადაწყვეტილება საკოორდინაციო საბჭომ მიიღო.როგორც საბჭოს სხდომის დასრულების შემდეგ, ოპერაციული შტაბის უფროსმა, გიორგი ღიბრაძემ განაცხადა, იგივე, შეზღუდვა გავრცელდება ყველა სხვა დაშვებულ სპორტულ ღონისძიებებზე, მათ შორის, მსოფლიო ჩემპიონატის საკვალიფიკაციო ეტაპის ფარგლებში დაგეგმილი საფეხბურთო მატჩებზე. შეგახსენებთ, მოსალოდნელი ეპიდემიოლოგიური რისკების მიუხედავად, წინა თამაშები, ბათუმის სტადიონზე რამდენიმე ათასიანი მაყურებლის თანდასწრებით იმართებოდა.