07, სექტემბერი 2021 14:41:00
ბოლო 24 საათში, საქართველოში, კორონავირუსით ინფიცირების 1965 ახალი შემთხვევა დაფიქსირდა, გარდაიცვალა კიდევ 50 პაციენტი. დაავადებათა კონტროლის ეროვნული ცენტრის ინფორმაციით, გასულ დღე-ღამეში ვირუსი დაამარცხა 3996 პირმა. აჭარაში, ეპიდვითარება კვლავ კრიტიკულია. გასული დღის მონაცემების თანახმად, რომელიც ჯანდაცვის სამინისტრომ გაავრცელა, რეგიონში კოვიდის 201 ახალი დადასტურებული შემთხვევა გამოვლინდა. ბოლო 24 საათში, ვირუსი დაამარცხა 407 ადამიანმა, ხოლო გარდაიცვალა 7 ინფიცირებული. კლინიკა დატოვა 94-მა მოქალაქემ. ამ ეტაპზე, მძიმეა 36 პაციენტის ჯანმრთელობის მდგომარეობა.