ხედავენ თუ არა ჯანდაცვის სამინისტროში კორონავირუსის მიუ ვარიანტის საშიშროებას საქართველოსთვის? - ეკატერინე ტიკარაძის განმარტება
ახალი ამბები
"ყველა ვაკვირდებით, თუ როგორი იქნება ახალი შტამის ქცევა", - ამის შესახებ ჯანდაცვის მინისტრმა ჟურნალისტებთან საუბრისას განაცხადა.
ეკატერინე ტიკარაძის თქმით, კოვიდის “მიუ” შტამთან დაკავშირებით სრული ინფორმაცია არც მსოფლიოს და არც საქართველოს აქვს.
ამ ეტაპზე, მინისტრი, "მიუ" ვარიანტის საშიშროებას საქართველოში ვერ ხედავს.
„თურქეთში “მიუ” შტამის 2 ახალი შემთხვევა დაფიქსირდა, თუმცა ამის საშიშროებას საქართველოში დღეს ნამდვილად ვერ ვხედავ. ამჟამად მნიშვნელოვანია, რომ ჩვენ შემდგომი შტამისთვის მზად უნდა ვიყოთ. ამისთვის უნდა ვიცოდეთ თუ რა ქცევით ხასიათდება კონკრეტული შტამი, როგორი ინტენსივობით ვრცელდება. რაც შეეხება მკურნალობის მეთოდს, ის არ იქნება განსხვავებული მეთოდის, შესაბამისად, ამ კუთხითაც მზად ვიქნებით. ამჟამად ვაკვირდებით იმას, რომელი ასაკობრივი ჯგუფისთვის იქნება მეტად რისკის შემცველი, რის შედეგადაც დამატებით ღონისძიებებს მივმართავთ“, - განაცხადა ტიკარაძემ.
3
s
s
s