09, სექტემბერი 2021 14:44:00
საქართველოში, ეპიდვითარება უმჯობესდება, თუმცა ეპიდემიოლოგები აცხადებენ, რომ ეს მოდუნების საფუძველს არ გვაძლევს. ექიმები ამბობენ, რომ ვითარება ისევ საყურადღებოა, რადგან სიკვდილიანობის მაჩვენებელი მაღალია. სპეციალისტები, მოქალაქეებს, გაცემული რეკომენდაციების დაცვისკენ და იმუნიზაციის პროცესში ჩართვისკენ მოუწოდებენ. რაც შეეხება, მიუ შტამს ჯერ-ჯერობით იგი გამოწვევად და სიახლედ რჩება. რამდენად საშიშია და რა გართულებები შეიძლება მოჰყვეს? ექიმების განცხადებით, ვირუსზე დაკვირვების პროცესი აქტიურად მიმდინარეობს.