09, სექტემბერი 2021 14:49:00
იუსტიციის სამინისტროს ინოვაციური პროექტი, საპილოტე რეჟიმში აჭარიდან დაიწყო. მინისტრმა აჭარის მთავრობის თავმჯდომარესთან ერთად, ერთ-ერთ მაღალმთიან სოფელში, ჭახათში, ადგილობრივებს „მობილური იუსტიციის სახლით“ მიაკითხა და სხვადასხვა დოკუმენტაცია გადასცა. სახლიდან გაუსვლელად, შესაძლებელია როგორც ID ბარათის მიღება, ისე ქორწინების გაფორმება და სხვა. საპილოტე რეჟიმში, პირველ ეტაპზე ხუთი „მობილური იუსტიციის სახლი“, ქვეყნის ექვს რეგიონში, კვირაში ერთხელ ივლის, საბოლოოდ კი, პროექტი საქართველოს ყველა იმ სოფელს დაფარავს, სადაც სახელმწიფო სერვისები მიუწვდომელია.