20, სექტემბერი 2021 21:31:00
ბათუმში პალმას მსგავსი ხელოვნური კუნძული აშენდება. ამის შესახებ აჭარის მთავრობის თავმჯდომარემ განაცხადა. თორნიკე რიჟვაძის თქმით, კონკრეტულ საინვესტიციო ჯგუფთან შეთანხმება უკვე მიღწეულია. მისივე ინფორმაციით, სიღრმისეულ კვლევებს სპეციალისტებთან და საერთაშორისო არქიტექტორებთან ერთად წელს დაიწყებენ. რეგიონის ხელმძღვანელი პირი ამბობს, რომ უნიკალური პროექტით რამდენიმე ასეული მილიონი დოლარის ინვესტიცია განხორციელდება, რაც ახალ ეკონომიკურ შესაძლებლობებს გააჩენს და სამუშაო ადგილებს შექმნის.