23, სექტემბერი 2021 13:17:00
ქობულეთში, უკვე მეორე დღეა ძლიერი წვიმის შედეგებს ებრძვიან. უხვი ნალექის გამო, მუნიციპალიტეტში, მეწყრული პროცესები განვითარდა. სტიქიამ, ვერულიძეების ორსართულიანი საცხოვრებელი სახლი წაიღო. შემთხვევას მსხვერპლი არ მოჰყოლია. დაზარალებულ ოჯახში ამბობენ, რომ ტერიტორია საცხოვრებლად უსაფრთხო არ იყო, რის გამოც შენობაში ღამეს არ ათევდნენ. ისინი დახმარებას ადგილობრივი ხელისუფლებისგან ელიან, თუმცა კონკრეტული დაპირებები, ჯერ, არავისგან მოუსმენიათ.