24, სექტემბერი 2021 10:24:00
სუპერმარკეტში შეიარაღებულმა პირმა ცეცხლი გახსნა, რის გამოც დაიღუპა 1 და დაშავდა 12 ადამიანი. შემთხვევა აშშ-ის ტენესის შტატში, ქალაქ კოლერვილეში მოხდა. ინფორმაციას "Reuters"-ი ავრცელებს.
სააგენტოს ცნობით, დაღუპულია თავდამსხმელიც. ახლა სამართალდამცავები იკვლევენ, იგი მარტო მოქმედებდა, თუ ვინმეს დახმარებით.
ადგილობრივი მედიის ინფორმაციით, კაცი, რომელმაც სროლა ატეხა, მაღაზიის ყოფილი თანამშრომელი იყო, რომელიც სამსახურიდან ცოტა ხნის წინ გაათავისუფლეს.