ოცნების საოცნებო დაპირებები
დამოუკიდებელი და ხალხის საჭიროებაზე ორიენტეირებული თვთმმართველობა, ბიძინა ივანიშვილის ერთ-ერთი პირველი და ძირითადი დაპირება იყო. აიმედებდა ამომრჩეველს, რომ არჩეული დეპუტატი, რომელიც საქმეს არ გააკეთებდა, შეეძლოთ უკან გაეწვიათ. 2012 წლის შემდეგ, თვითმმართველობის არჩევნები მესამედ მოვიდა, თუმცა დამოუკიდებელი და პასუხისმგებლიანი მერიები და საკრებულოები ისევ შეუსრუელებლი პირობაა.
ასობით ათასი სამუშაო ადგილი - ეს ის პირობაა, რომელიც ადამიანებს ყველაზე პირველად ახსენდებათ „ქართული ოცნების“ შეუსრულებელი დაპირებებიდან. ფიქრობდნენ, რომ პარტიაც ისეთივე მაძღარი იქნებოდა, როგორც მისი ლიდერი ბიძინა ივანიშვილი.
2012 წლიდან დღემდე, მმართველმა გუნდმა და ბიძინა ივანიშვილმა ადამიანებისთვის არც დაპირებული იაფი ფული გასცა. არადა, იპოთეკით დაზარალებული ოჯახები დადებულ პირობას ხელისუფლებას მუდმივად ახსენებს და მის შესრულებას სთხოვს.
ცხრა წელი ძალიან ცოტა აღმოჩნდა იმისთვის, რომ სახელმწიფოს გაეიაფებინა ელექტროენერგიის საფასურიც. ოცნებამ არც ბუნებრივი აირის ტარიფი გაანახევრა. უფრო მეტიც შუქი და გაზი გააძვირა კიდეც.
ქვეყანას, არც წელში გამართული სოფელი ჰყავს. ესეც, ოცნების ხელისულფლებაში მოსვლის დღიდან უმთავრესი დაპირება იყო.
ერთი შეხედვით გატარებული რეფორმა, ხსნა ვერც მიწის რეგისტრაციის მსურველებისთვის აღმოჩნდა. ათასობით ადამიანი ნაკვეთების დაკანონებას ისევ ამაოდ ცდილობს და ელოდება.
ვის უნდოდა და ვის არა რუსეთთან ურთიერთობის დალაგება, ეს კიდევ ცალკე თემაა, თუმცა „ქართული ოცნება“ თავიდანვე დებდა პირობას, რომ ოკუპანტთან ურთიერთობას დაალაგებდა. ქვეყანაში ამის მომხრეები ალბათ კიდევ მრავლად არიან, თუმცა ფაქტია, რომ ოცნებას არც ეს გამოუვიდა. ოკუპაცია ისევ მცოცავია და კონკფლიქტის ზონებში ვითარება ისევ უკონტროლო.
დღეს ოცნებას თითქმის იდენტრური დაპირებები აქვს, ერთი განსხვავებით, შეცვლილი ციფრებში, მასშტაბებში და ფორმულირებაში და ისევე როგორც 2012 წლიდან დღემდე, ამჯერადაც, წინასაარჩევნო კამპანიის ძირითადი ლაიტმოტივი, ყოფილი ხელისუფლების დისკრიმინაციაა. სწორედ ასე ცდილობს მმართველი ძალა ამომრჩევლის დარწმუნება.
როდის დარულდება ძალიან რთული წელი, რომელი იქნება საგრძნობლად უკეთესი, ან როდის იგრძნობს მოსახლეობა განვითარებას საკუთარ ჯიბეზე და როდის დადგება საოცნებო წელი, „ქართული ოცნების“ ცხრაწლიანი პოლიტიკის და ამგვარად შესრულებული დაპირებების ფონზე რთული სათქმელია.
23
s
s
s