აჭარის მთის მუნიციპალიტეტებიდან, მოსახლეობის მიგრაცია, ყოველწლიურად მზარდია. სტატისტიკურად, სოფლებს განსაკუთრებით ახალგაზრდები ტოვებენ.
რას აკეთებს ადგილობრივი ხელისუფლება ახალგზარდებისთვის და რა შესაძლებლობა აქვთ მათ ადგილზე, ამის საჩვენებლად, ქედის მუნიციპალიტეტის მიერ მოწყობილი, ყველა ის შენობა გადავამოწმეთ, რომლებსაც ახალაზრდების გააქტიურებასთან ერთად, მათთვის თანამედროვე ტექნოლოგიებთან წვდომაზე
უნდა შეეწყოთ ხელი. „ახალგაზრდული ცენტრის“ სახელით, წლების წინ, გახსნილი ოთახი დაკეტილი დაგხვდა. მეტიც, ის, ავარიულ მდგომარეობაშია. მუნიციპალიტეტის მერიაში აცხადებენ, რომ ფართის არარსებობა პრობლემას არ ქმნის და საჭიროების შემთხვევაში მათ ადმინისტრაციული შენობით სარგებლობა შეუძლიათ.
„ახალგაზრდული ცენტრის“ მსგავსად, დაკეტილია ქედის ისტორიული მუზეუმის შენობაში გახსნილი „წიგნიერების ცენტრიც“, რომელიც ერთ-ერთი არასამთავრობო ორგანიზაციისა და ქედის მერიის თანადაფინასებით გაიხსნა. იგი მერიამ, განსაკარგავად მის დაქვემდებარებაში მყოფ შპს „ქედის ტურიზმის განვითარების ხელშეწყობის სამსახურს“ გადასცა, სადაც გვითხრეს, რომ პანდემიიდან გამომდინარე, ცენტრი რეგულაციების დაცვით იხსნება.
გასულ წელს, დაბა ქედის თემში, თანამონაწილეობითი ბიუჯეტის პროგრამის ფარგლებში ახალგაზრდების იდეამ გაიმარჯვა. მარიეტა ჯაყელის „სპორტულ-გამაჯანსაღებელი“ ცენტრის მოწყობის პროექტი, საზოგადოების ყველა სეგმენტზე იყო გათვლილი, თუმცა, მისი განხორციელება, ჯერ, არც კი დაწყებულა. ქედის მერიაში განმარტავენ, რომ საპროექტო კომპანიამ ტენდერით ნაკისრი ვალდებულება არ შეასრულა. 150 ათასი ლარის ღირებულების პროექტის განხორციელება, ქედის სასპორტო სკოლის მიმდებარედ იგეგმება.
ქედის საკრებულოს ოპოზიციონერი წევრი, ადგილობრივ თვითმართველობას, ახალგაზრდებისთვის, ინოვაციური პროექტების დანერგვის საჭიროებებზე მიუთითებს. ვაჟა ბოლქვაძის თქმით, სოფლად „ახალგაზრდული ცენტრები“ სასიცხოცხლოდ მნიშვნელოვანია.
ქედაში მცხოვრები ახალგაზრდებისთვის სპორტულ თუ კულტურულ მიზნობრივ პროგრამებს ქედის მერია აფინასებს. უწყების მიერ, ფინასდება, როგორც მუნიციპლური, ასევე, ინტერმუნიციპალური პროგრამები.
18
s
s
s