საოლქო საარჩევნო კომისიების მონაცემებით, აჭარის მთიანეთში, გადასატანი ყუთით მოსარგებლე ამომრჩეველთა რიცხვი კანონით განსაზღვრულ ნორმას ბევრად აჭარბებს. ქედის ოლქის თავმჯდომარის განმარტებით, ამ კატეგორიის ელექტორატის ზრდა, პანდემიურმა ფონმა განაპირობა. ალი ნაკაშიძე აცხადებს, რომ შესაბამისმა კომისიამ გადაწყვეტილება კანონის ფარგლებში მიიღო და დასძენს, რომ ქედაში არსებული ყველა უბანი არჩევნებისთვის მზადაა.

საარჩევნო უბნების კენჭისყრისთვის მზადება მთიანეთში, დილიდან დაიწყო. უბნებზე საჭირო ინვენტარიც დარიგდა და კომისიებმა არჩევნების იმიტაციაც ჩატარეს.

შუახევის საარჩევნო ოლქის თავმჯდომარის განმარტებით, ხვალინდელი პროცესი კოვიდ-რეგულაციების სრული დაცვით ჩატარდება.  დათა ზოიძის ტქმით,  უბნებს, საჭირო ხელსაწყოები თუ ხსნარები უკვე გადაეცათ.

რაც შეეხება ხულოს მუნიციპალიტეტს, არჩევნებამდე რამდენიმე დღით ადრე, თაგოს საუბნო კომისიის თავმჯდომარ,ე კოვიდის დადასტურების გამო შეიცვალა. ოქლის ხელმძღვანელი განმარტებით, თუ კი კენჭისყრის დღისთვის, კომისიის რომელიმე წევრს ვირუსი გამოუვლინდება, მისი ჩანაცვლება, შეფერხების გარეშე მოხდება. ქედის მსგავსად, აქაც, გადასატანი ყუთით მოსარგებლე ამომრჩეველთა რიცხვი გაზრდილია.   

თვითმართველობის არჩევნები, ხვალ, 2 ოქტომბერს ჩატარდება. მოსახლეობა მუნიციპალიტეტების მერებსა და საკრებულებს აირჩევს.

Tags:

გაზიარება

1