03, ოქტომბერი 2021 10:29:00
არჩევნების წინასწარი შედეგების გამოქვეყნების შემდეგ, აჭარის მთავრობის თავმჯდომარე, თორნიკე რიჟვაძე და მისი მეჯვარე, "ქართული ოცნების" მერობის კანდიდატი გამარჯვებას ზეიმობდნენ, თუმცა 3 ოქტომბრის დილის 07:30 საათის მონაცემებით, "ნაციონალური მოძრაობის" კანდიდატს, გიორგი კირთაძეს, დათვლილი ხმების 42,34% აქვს, ხოლო ქართული ოცნების კანდიდატმა, ხმების 41,49% მიიღო. ცენტრალური საარჩევნო კომისიის წინასწარი მონაცემებით, ბათუმში მეორე ტური გაიმართება.