18, აგვისტო 2017 20:11:00
საქართველოში ჭადრაკის განვითარებისა და მოჭადრაკეების მომზადებაში შეტანილი წვლილისთვის დამსახურებული მწვრთნელი ჭადრაკში, საერთაშორისო არბიტრი გურამ ჭანტურია პრეზიდენტის განკარგულებით ღირსების ორდენით დაჯილდოვდა. მას ჯილდო დღეს აჭარის განათლების , კულტურისა და სპორტის მინისტრმა გადასცა. გურამ ჭანტურია 1998 წელს აჭარის 5 საუკეთესო მწვრთნელს შორისაა დასახელებული, 1990 და 2003 წლებში კი 10 საუკეთესო მწვრთნელის ტიტულის მფლობელი იყო. 2006 წლიდან იგი ბათუმის კომპლექსური სასპორტო სკოლის მწვრთნელია.