პოლიცია ეძებს დამნაშავეს, რომელიც გუშინ 25 წლის კაცს თავს დაესხა. ბრალდებულმა მოქალაქეს დანით სხეულზე ჭრილობა მიაყენა და შემთხვევის ადგილიდან მიიმალა. ფაქტი ძველ ბათუმში ერთ-ერთი რესტორნის მიმდებარედ მოხდა. არსებული ინფორმაციით, დაზარალებული მეგობრებთან ერთად ქუჩაში საუბრობდა, რა დროსაც მას ახალგაზრდა კაცი მიუახლოვდა ჯერ იარაღით დაემუქრა, შემდეგ კი დანით დაჭრა. დაზარალებულს სამედიცინო დახმარება ბათუმის რეფერალურ საავადმყოფოში გაეწია, რის შემდეგაც იგი გვიან ღამემდე პოლიციის მესამე განყოფილებაში დაკითხვაზე იმყოფებოდა. საგამოძიებო ორგანოში ჩვენების მისაცემად დაზარალებულის მეგობრებიც იმყოფებოდნენ. მომხდარის მოტივი ჩვენთვის უცნობია. ფაქტზე შინაგან საქმეთა სამინისტრომ გამოძიება სისხლის სამართლის კოდექსის 118-ე მუხლით დაიწყო, რაც სხეულის განზრახ ნაკლებად დაზიანებას გულისხმობს.
15
s
s
s