22, აგვისტო 2017 20:07:00
სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის გადაწყვეტილებით, ხულოს მუნიციპალიტეტის სოფელ ქვედა ვაშლოვანში არსებულ სოციალურ სახლში, 14 ეკომიგრანტ ოჯახს ბინა გადაეცემა. დღევანდელ სხდომაზე ასევე, გადაწყდა, რომ ბათუმის მუნიციპალიტეტის ტერიტორიაზე 2016 და 2017 წელს ხანძრის შედეგად დაზარალებული 2 ოჯახი 5 000 ლარს მიღებს. კომისიის წევრების თანხმობით, ქობულეთში მიმდინარე წლის 18,19 და 23 აპრილს ძლიერი ქარიშხალის გამო დაზიანებული 3 კორპუსის სახურავების აღდგენისთვის 58 964ლარი გამოიყო.