16, ოქტომბერი 2021 09:50:00
ბათუმისა და ლაზეთის მიტროპოლიტი დიმიტრი (შიოლაშვილი) იმ მღვდელმთავრებსა და სასულიერო პირებს მიმართავს,რომლებიც საქართველოს მესამე პრეზიდენტის, მიხეილ სააკაშვილის გათავისუფლების მოთხოვნას უჭერენ მხარს. მისი თქმით, შერიგება საჭირო რამეა, მაგრამ " შერიგების სურვილი უნდა მოდიოდეს ტანჯულისგან და არა მტანჯველისგან".
„შერიგება საღმრთო საქმეა, ჩვენი რწმენის დედა აზრი და საფუძველთა საფუძველი, შერიგების სურვილი უნდა მოდიოდეს ტანჯულისგან და არა მტანჯველისგან, მტანჯველი კი სინანულს უნდა განიცდიდეს, პეტიციაზე ხელმომწერ მღვდელმთავრებს მივმართავ, ერთხელ მაინც თუ შეხვედრიხართ ამ ტანჯვა-წამება გამოვლილ ოჯახებს, მათი ჭირ-ვარამი თუ მოგისმენიათ?“ - წერს „ფეისბუქის“ საკუთარ გვერდზე მიტროპოლიტი.
შეგახსენებთ, მიხეილ სააკშვილის გათავისუფლების მოთხოვნით შეიქმნა პეტიცია, რომელსაც რამოდენიმე მღვდელმთავარმა, მათ შორის - მარგვეთისა და უბისის ეპისკოპოსი მელქისედეკი, ახალქალაქის, კუმურდოსა და კარის მიტროპოლიტი ნიკოლოზი, შემოქმედელი მიტროპოლიტი იოსები და ფოთისა და ხობის მიტროპოლიტი, მეუფე გრიგოლი შეუერთდნენ.