სოფელ ტუნაძეების სკოლაში მომხდარ კონფლიქტში მონაწილე თამაშრომელი ინეზა ხარაბაძე სამსახურიდან გაათავისუფლეს. გადაწყვეტილება დირექტორმა მიიღო. ინცინდენტი გუშინ დაფიქსირდა, როგორც ცნობილია, ბიულეტინზე მყოფი ერთ-ერთი მასწავლებლის საათები მეორემ შეითავსა, მოგვიანებით კი სკოლაში დაბრუნებული კოლეგისთვის საათების დაბრუნება არ სურდა. სავარაუდო მოძალადემ ერთდროულად ფიზიკური შეურაცხყოფა 4 ადამიანს მიაყენა. კონფლიქტში მონაწილე ხარაბაძე კამერებთან არ ჩნდება, მის ძმას კი პრეტენზიები სკოლის დირექტორთან აქვს. ენვერ ხარაბაძე აცხადებს, რომ ავთანდილ ძირკვაძის მხრიდან თანამშრომლების ერთმანეთის მიმართ წაქეზებას ჰქონდა ადგილი. მისივე თქმით, სკოლიდან გათავისუფლებულ ინეზა ხარაბაძეს ფიზიკური ტრამვები აღენიშნება და შოკური მდგომარეობის გამო სამართალდამცავები მის დაკითხვას ამ დრომდე ვერ ახერხებენ. ინციდენტის დეტალებს ადგილზე აჭარის განათლების მინისტრის მოადგილე სულიკო თებიძე გაეცნო. მომხდარ ინცინდენტზე დაწყებულია გამოძიება სისხლის სამართლის კოდექსის 126- ე მუხლით, რაც ძალადობას გულისხმობს.
1
s
s
s