19, ოქტომბერი 2021 19:21:00
„ეკონომიკა დუღს, უპროცენტო სესხები, გაზრდილი შემოსავალი და პენსიები“ - თქვენ ახლა „ქართული ოცნებისგან“ 2012 წლიდან დღემდე გაზიარებული ოცნებები მოისმინეთ. 9 წელია გვპირედებიან და საქმე ბოლომდე მაინც ვერ მიიყვანეს. მიუხედავად ამისა ხალხის მხარდაჭერის იმედს არ კარგავენ. დაპირებების გაცემას ჩვეულ რიტმში აგრძელებენ და არასებული გაკეთებული საქმეებით თავსაც იწონებენ.
ეს კი იმ ფონზე, როცა მოსახლეობა გაღატაკდა, პროდუქტზე ფასები ყოველდღიურად იმატებს და ჩვენს „ნაოცნებარ“ ქვეყანაში მინიმალური ხელფასი 20 ლარია. მოქალაქეები, რომლებიც „ოცნების“ ჩინოვნიკებს, მხოლოდ ტელევიზორში ხედავენ, მიიჩნევენ, რომ საქართველოში მძიმე ეკონომიკური მდგომარეობაა და ამას ხალხი ვეღარ გაუძლებს.
მინიმუმამდე დასული ეკონომიკური ბრუნვა, არარსებული ინვესტიციები და ინფლაცია - ეს ყველაფერი, 12 წლიანი ოცნების ნაყოფია. ფრიდრიხ ებერტის ფონდისა და კავკასიის კვლევითი რესურსცენტრის მიერ ჩატარებული კვლევის მიხედვით, საქართველოს, მინიმალური ხელფასის მიხედვით, ნიგერია, ტაჯიკეთი და ცენტრალური აფრიკის ქვეყნებიც კი უსწრებენ. ეკონომისტების შეფასებით, გაუარესებული ეკონომიკური მდგოამრეობა ამჟამინდელი ხელისუფლების პასუხისმგებლობაა და არა 9 წლის წინ დაშვებული შეცდომების.
ყველაფერი საბოლოო ჯამში გაჭირვებული ქართველის ზურგზე ტყდება. არც საარსებო მინიმუმი შეცვლილა და არც ეკონომიკა ადუღებულა, მაგრამ მმართველი პარტია საოცნებო დაპირებებს არ წყვეტს და ბიძინაობასაც ამაყად აღვნიშნავთ. დიდი მადლობა ბატონო ბიძინა, რომ გაგვაცურეთ.