21, ოქტომბერი 2021 14:23:00
მასწავლებლის საგნობრივი კომპეტენციის გამოცდაზე გასული პედაგოგებიდან ნახევარზე მეტმა მინიმალური ზღვარი ვერ გადალახა. ტესტირება, სულ, მოქმედმა 5 340 პრაქტიკოსმა მასწავლებელმა გაიარა.
მასწავლებელთა პროფესიული განვითარების ეროვნული ცენტრიდან გამოთხოვილი საჯარო ინფორმაციის მიხედვით, საგნობრივი კომპეტენციის დამადასტურებელ გამოცდაზე წელს, სულ 7327 პრაქტიკოსი მასწავლებელი იყო დარეგისტრირებული, თუმცა მონაწილეობა მიიღო სწორედ 5340-მა.
რაც შეეხება პროფესიული უნარების გამოცდას, 2021 წელს სულ 5912 პრაქტიკოსი მასწავლებელი დარეგისტრირდა, მათგან გამოცდაზე გამოცხადდა 4137, ხოლო მინიმალური კომპეტენციის ზღვარი 2365-მა პრაქტიკოსმა მასწავლებელმა ვერ გადალახა.
წყარო: interpressnews.ge