21, ოქტომბერი 2021 14:53:00
გარდაიცვალა კაცი, რომელსაც შვიდი ტყვია ესროლეს. სიცოცხლესთან შეუთავსებელი დაზიანებების გამო, ექიმებმა პაციენტის გადარჩენა ვერ შეძლეს. შემზარავი შემთხვევა ნარკოლოგიური ცენტრის ეზოში დღეს მოხდა. მეტადონის ჩანაცვლების პროგრამით მოსარგებლე ბენეფიციარებს შორის დაპირისპირება ცეცხლის გახსნით დასრულდა. განზრახ მკვლელობაში ბრალდებული შინაგან საქმეთა სამინისტროს ამ დრომდე არ დაუკავებია. ბოროტმოქმედი შემთხვევის ადგილიდან მიიმალა. სამედიცინო დაწესებულების ეზოში დილიდან ექსპერტ-კრიმინალისტები მუშაობენ, ტერიტორია ყვითელი ლენტითაა შემოსაზღვრული. ამ დრომდე უცნობია მომხდარის მოტივი. ფაქტზე გამოძიება სსკ მე-19 და 108-ე მუხლით დაიწყო, რაც განზრახ მკვლელობას გულისხმობს.