26, ოქტომბერი 2021 14:22:00
მედიაწიგნიერების კვირეული გაიხსნა. კომუნიკაციების კომისიამ განათლებისა და მეცნიერების სამინისტროსა და მასწავლებელთა პროფესიული განვითარების ეროვნულ ცენტრთან ერთად ორდღიანი კონფერენცია გამართეს. მასში მონაწილეობა საერთაშორისო და ადგილობრივი ორგანიზაციების წარმომადგენლებმა მიიღეს. კონფერენციას მედიაწიგნიერების სამიზნე ჯგუფები, სკოლის მოსწავლეები, სტუდენტები, პედაგოგები და მშობლებიც ესწრებოდნენ. კვირეული გაეროს მიერ მიღებული რეზოლუციის ფარგლებში ტარდება.