არჩევნებამდე სამი დღით ადრე დაგეგმილი კონტრაქცია და ხელისუფლების მხარდამჭერების მობილიზება სამუშაო დღეს. „ქართული ოცნება“ ხვალინდელ შეკრებას ადმინისტრაციული რესურსის ხარჯზე აპირებს. მმართველი გუნდი აიპებისა და შპს-ების თანამშრომლების, პედაგოგებისა და საჯარო მოხელეების მობილიზებას ქვეყნის მასშტაბით ახდენს, მათ შორის აჭარიდან. „ოცნება“ დედაქალაქში აქციაზე წასვლის სანაცვლოდ ადამიანებს თანხას ჰპირდება. ერთი მონაწილის მხარდაჭერა მმართველ პარტიას 50 ლარი უჯდება. ნინია მესხიძე შემოგვიერთდება თემი დეტალებით.
მესაფლავეები, პედაგოგები, ბაღის აღმზრდელები, აიპებისა და შპსეების თანამშრომლები, საჯარო მოხელეები - სხვადასხვა სეგმენტის წარმომადგენლებს ხვალ, „ქართული ოცნება“, თავისუფლების მოედანზე დაანონსებულ აქციაზე ეპატიჟება. ეპატიჟება, თუმცა, სანაცვლოდ თანხის გაღება უწევს. 50-დან 100 ლარამდე - ასეთი საფასური აქვს მმართველი გუნდი მხარდაჭერას. უფრო ზუსტად, 50 ლარი აქციაში მონაწილეობისთვის, 100 კი ხმის სანაცვლოდ. მობილიზება მთელი ქვეყნის მასშტაბით მიმდინარეობს, მათ შორის აჭარაშიც. ფინანსური სარგებლის მიღების პარალელურად, რეგიონებიდან წასვლელებს სრულად უზრუნველყოფენ უფასო ტრანსპორტირებითა და საკვებით. ესეც „ოცნების“ ანგარიშზე იწერება. ყოველივე ამის ავთენტურობას ის ინტერვიუები ადასტურებს, რომელსაც ახლა, ჩვენი მაყურებელი მოისმენს.
არჩევნებამდე რამდენიმე დღით ადრე, ხელისუფლების წარმომადგენლები რომ კარდაკარ დადიან და მოქალაქეებს ფულის სანაცვლოდ, მათ მხარდაჭერას სთხოვენ, არ უკვირთ ოპოზიციაში. „ნაციონალური მოძრაობის“ წევრების განმარტებით, ამ მეთოდებით, „ქართული ოცნება“ კიდევ ერთხელ ადასტურებს, რომ საკუთარ ამომრჩეველსა და მის ნებას პატივს არ სცემს.
„ქართული ოცნების“ გენერალური მდივანი და თბილისის მერობის კანდიდატი ადასტურებს, რომ ხელისუფლება 27 ოქტომბერს დაგეგმილ აქციაში მონაწილეობისთვის მოქალაქეებს ფულს უხდიან. კახი კალაძის თქმით, ეს კვების საფასურია.
როგორ აპირებენ „ქართული ოცნების“ წარმომადგენლები სამუშაო დღეებში დასაქმებულთა წაყვანას, და წინააღმდეგ შემთხვევაში შეიძლება ითქვას თუ არა, რომ ხელისუფლებას ათასობით უმუშევარი ადამიანი ჰყავს? ეს ადგილობრივი დონეზე, მმართველი გუნდის წევრებისთვის უნდა გვეკითხა, თუმცა მათ ჩვენს სატელეფონო ზარებს არ უპასუხეს. აქვე მაყურებელს კიდევ ერთხელ შევახსენებ, რომ „ქართულმა ოცნებამ“ ხვალისთვის, ანუ არჩევნებამდე სამი დღით ადრე კონტრაქცია დაანონსა. მმართველი გუნდის წარმომადგენლების თქმით, შეკრების მიზანი ისაა, რომ ოპოზიციას ქართველი ხალხის ძალა აჩვენონ.
5
.jpg)
s
s
s