27 ოქტომბერს "ქართული ოცნება" წინასაარჩევნოდ შემაჯამებელ აქციას გამართავს. მმართველი პარტიის აქცია 17:00 საათზე იგეგმება, თუმცა "ოცნებაში' განაცხადეს, რომ მომხრეების შეკრება 15:00 საათიდან დაიწყება.
პარტიის თავმჯდომარის, ირაკლი კობახიძის თქმით, განწყობა არის საბრძოლო და ყველაფერი გაკეთდება იმისათვის, რომ "ქართულმა ოცნებამ" 2 ოქტომბრის გამარჯვება ბოლომდე მიიყვანოს.
„როგორც მოგეხსენებათ, არჩევნებამდე რჩება რამდენიმე დღე. გასული დღეების განმავლობაში პრემიერ-მინისტრთან ერთად მოვიარე მუნიციპალიტეტები, სადაც ტარდება არჩევნების მეორე ტური. განწყობა არის საბრძოლო და ყველაფერი გაკეთდება იმისათვის, რომ ჩვენმა კანდიდატებმა ოცივე მუნიციპალიტეტში დამსახურებული გაიმარჯვება მოიპოვონ.ჩვენი პარტიის ყველა წევრს, მხარდამჭერს, მოქალაქეებს მოვუწოდებთ მაქსიმალური ყურადღებისა და მობილიზაციისკენ, რათა 2 ოქტომბრის გამარჯვება მივიყვანოთ ბოლომდე.ეს გამარჯვება 30 ოქტომბერს ბოლომდეა მისაყვანი. ყველა, ვისთვისაც ძვირფასია ჩვენი ქვეყნის მომავალი, მშვიდობა, სტაბილურობა და განვითარება, ოთხშაბათს, 27 ოქტომბერს გელოდებით თავისუფლების მოედანზე,“- განაცხადა კობახიძემ.
1
.jpg)
s
s
s