აი ასე, ვერ ჩამოყალიბდნენ, აიპი „ბათუმის სასაფლაოების“ თანამშრომლები, სად იმყოფებოდნენ მესაფლავეეები. ერთი გვიმტკიცებდა, რომ ყველა დასაქმებული ქალაქშია, მეორეს კი, ეჭვი ეპარებოდა. კითხვაზე იმყოფებიან თუ არა, დედაქალაქში გამართულ აქციაზე, ბათუმის მერიის აიპიში დასაქმებული პირები, კატეგორიულ უარს ამბობენ. იმ მისამართებზე, სადაც გადაგვამისამართეს, გადასამოწმებლად რამდენიმე წუთში მივედით, თუმცა, ადგილზე ვერც, ჭირისუფალი და ვერც მესაფლავეები ვიპოვეთ.
როგორც აღმოჩნდა, შპს „ბათუმის წყლის“ თანამშრომლებიც, „ქართული ოცნების“ აქციაზე გაუშვეს. ოფისში სამუშაო საათებში მივედით. შენობაში არ შეგვიშვეს. გარეთ გამოსული დირექტორის მოადგილის კომენტარი კი, რამდენად დამაჯერებელია, განსჯა თქვენთვის მოგვინდია.
„ქართული ოცნების“ აქციის გამო, მიკრო ავტობუსების დეფიციტი შეიქმნა ბათუმი.. რა თანხის სანაცვლოდ გადაწყვიტეს მძღოლებმა, „ოცნების“ დაანონსებულ აქციაზე წასვლა? ქალაქში დარჩენილი მძღოლები ამბობენ, რომ იმაზე მეტი შესთავაზეს, ვიდრე მთელი კვირის განმავლობაში გამოიმუშავებენ.
თავისუფლების მოედანზე მართალაც მასშტაბური აქცია გაიმართა. თუმცა, ეს ყველაფერი ადმინისტრაციული რესურსის გამოყენების ხარჯზე. ამას „ერთიანი ნაციონალური მოძრაობის“ მიერ ჩაწერილი სატელეფონო ჩანაწერებიც მოწმობს.
შემაჯამებელი აქცია, ოპოზიციის მასშტაბური პროტესტის შემდეგ გადაწყვიტეს. რის დამტკიცებას ცდილობს „ქართული ოცნება“ ან რატომ ეჯიბრება გაერთიანებულ ოპოზიციას? როგორც ჩანს პარტიები ერთმანეთს მხარდამჭერების რაოდენობის ილუსტრირებით ეჯიბრებიან. თუმცა, ერთი განსხვავებით, 14 ოქტომბერს, ოპოზიციის აქციაზე წამსვლელები სახეებს არ მალავდნენ და არც ოპოზიციის მხარდამჭერ აქციაზე წასვლას უარყოფდნენ.
5
.jpg)
s
s
s