30, ოქტომბერი 2021 09:08:00
პარტია "ქართული ოცნების" დამფუძნებელმა, ბიძინა ივანიშვილმა არჩევნებში საკუთარი ხმა დააფიქსირა. მან არჩევანი თბილისში, #144-ე უბანზე დააფიქსირა, თუმცა მან საარჩევნო უბანი ჟურნალისტებთან კომენტარის გარეშე დატოვა.
ბიძინა ივანიშვილს ჟურნალისტებთან კომენტარი, არც თვითმმართველობის არჩევნების პირველ ტურში გაუკეთებია.
დღეს, 30 ოქტომბერს, 2021 წლის თვითმმართველობის არჩევნები მიმდინარეობს. საარჩევნო უბნები ქვეყნის მასშტაბით დილის 8 საათიდან გაიხსნა.
მეორე ტურში ერთმანეთს ძირითადად ქართული ოცნებისა და ნაციონალური მოძრაობის კანდიდატები უპირისპირდებიან. გამარჯვებულად ის კანდიდატი ჩაითვლება, ვინც ოპონენტზე მეტ ხმას მოიპოვებს.