30, ოქტომბერი 2021 12:35:00
განმეორებითი არჩევნები ქედაში, მხოლოდ ერთ, ნომერ მე-2 დანდალოს სამაჟორიტარო ოლქში ტარდება. აქ, ერთმანეთს „ქართული ოცნებისა“ და „ნაციონალური მოძრაობის“ მაჟორიტარი კანდიდატები უპირისპირდებიან. სახელისუფლებო პარტიის კანდიდატი, ქედის საკრებულოს მოქმედი წევრი, ოთარ ხარაძეა, ხოლო მთავარი ოპოზიციური ძალიდან - ევგენი ცინცაძე იბრძვის. დანდალოს სამაჟორიტარო ოლქში ხუთი საარჩევნო უბანია გახსნილი, რომელიც ამდენივე სოფელს: მოსიაშვილებს, გოგიაშვილებს, დანდალოს, ჯალაბაშვილებსა და ხარაულას აერთიანებს. არჩევნების პირველივე ტურში გამოვლინდა მერობის გამარჯვებული კანდიდატი. 2021 წლის თვითმართველობის კენჭისყრის შედეგებით, ქედის მერი როლანდ ბერიძე გახდა.