ნინია, ერთ-ერთი, ბოლო, ვინც დეპუტატის მანდატი დატოვა „ნაციონალური მოძრაობის“ წევრი ანა წითლიძეა. მან სოციალურ ქსელში დაწერა, რომ როცა ქვეყნის მესამე პრეზიდენტი ციხეშია და შიმშილობს, პარლამენტში ყოფნის აზრს ვერ ხედავს. მთავარი ოპოზიიური ძალიდან, დეპუტატობაზე უარს ამბობს, კიდევ ერთი წევრი - ნონა მამულაშვილიც. თანაგუნდელის მსგავსად, მამულაშვილმა განაცხადა, რომ არსებული ვითარებიდან გამომდინარე პარლამენტში ყოფნას აზრი ეკარგება.
პარლამენტის დეპუტატის მანდატი, პირველმა, მამუკა ხაზარაძემ დატოვა. „ლელოს“ ლიდერმა გადაწყვეტილება, გუშინ, დედაქალაქის მთავარ გამზირზე ოპოზიციის მიერ გამართულ საპროტესტო აქციაზე გაახმოვანა. ხაზარაძე ამბობს, რომ პოლიტიკაში არა სკამისთვის, არამედ ქვეყნის გათავისუფლებისთვის მოვიდა. გაერთიანებული ოპოზიციის ლიდერები ამბობენ, რომ ხმებს დაიცავენ და ბრძოლა უკომპრომისო იქნება.
„ჩემი თხოვნა იქნება, ოცნება დატოვოთ საკუთარ თავთან მარტო". - ოპოზიციას პარლამენტის დატოვებისკენ პატიმარი პრეზიდენტიც მოუწოდებს. მიხეილ სააკაშვილმა ციხიდან წერილი გაავრცელა და ხელისუფლების ოპონენტებს, მამუკა ხაზარაძისთვის მიბაძვისკენ მოუწოდა.
ცოტა ხნის წინ ცნობილი გახდა, რომ საქართველოს პარლამენტის წევრის მანდატზე უარი ლევან ვარშალომიძემაც თქვა. აჭარის მთავრობის ყოფილი მეთაურის თქმით, ლეგიტიმაცია გამოცლილი ხელისუფლების შეცვლისთვის გადამწყვეტი ბრძოლა იწყება. პარლამენტი დატოვა გირჩი - მეტი თავისუფლების ლიდერმაც. ზურა ჯაფარიძე, ამ საკითხზე, ქვეყნის მთავარ საკანონდებლო ორგანოსთვის მიმართვას ოფიციალურად უახლოეს დღეებში გეგმავს.
1
.jpg)
s
s
s