შეწყალების ინსტიტუტი მოგონილია იმ ადამიანებისთვის, ვინც მიაჩნიათ დამნაშავედ - ანა ნაცვლიშვილი
პოლიტიკა
შეწყალების ინსტიტუტი მოგონილია იმ ადამიანებისთვის, ვინც მიაჩნიათ დამნაშავედ - ამ კომენტარს პარტია "ლელო საქართველოსთვის" წევრი, ანა ნაცვლიშვილი, აკეთებს სალომე ზურაბიშვილის საგანგაშო განცხადებაზე, სადაც ნათქვამია, რომ სააკაშვილი არც „უდანაშაულობის მსხვერპლია" და არც პოლიტიკური პატიმარი.
ნაცვლიშვილის თქმით, ის განცხადებები, რაც სააკაშვილმა გააკეთა ერთმანეთთან შეუსაბამოა.
„ერთი მხრივ ის აღიარებს სასამართლოში არსებულ სისტემურ პრობლემებს, მეორე მხრივ ამბობს, რომ ამ სისტემური პრობლემების მქონე სასამართლომ უნდა გაასამართლოს მესამე პრეზიდენტი, რომლის მიმართ მმართველი გუნდის მხრიდან არის კონკრეტული პარტიულ პოლიტიკური ინტერესი, სად არის აქ ლოგიკა",- განაცხადა ნაცვლიშვილმა.
ასევე, "ლელოს" წევრის თქმით, მისთვის მძიმე იყო ის, რომ პრეზიდენტმა სააკაშვილის სააავადმყოფოში გადაყვანის აუცილებლობაზეც არ ისაუბრა.
„ამ დღეების განმავლობაში ვნახეთ არაერთი ადამიანი, რომელიც მწვავე კრიტიკოსი იყო სააკაშვილის მისი ხელისუფლებაში ყოფნის დროს, ჰქონდა პირადი თუ სხვა ტიპის მიუღებლობა ბევრ საკითხზე, მაგრამ ამ ადამიანებმა და მე ჩემს თავსაც მივაკუთვნებ ამ კატეგორიას, ჩვენ შევძელით, რომ სახელმწიფოებრიობის წინაშე მდგომი კრიტიკული საფრთხე დაგვენახა და ყველაზე წინ დაგვეყენებინა სახელმწიფოს წინაშე არსებული გამოწვევა. ვინ თუ არა სახელმწიფოს მეთაური უნდა იყოს ადამიანი, რომელიც ყველა რაკურსით ხედავს კრიზისს და ყველაზე წინ აყენებს სახელმწიფოს და საზოგადოების წინაშე არსებულ გამოწვევას, ჩემთვის ძალიან მძიმე იყო იმის მოსმენა, რომ გარკვევით და ცხადად ისიც არ თქვა, რომ მესამე პრეზიდენტი გადაყვანილი უნდა იყოს სამოქალაქო კლინიკაში, როცა ამას საფუძვლად უდევს პროფესიული დამოუკიდებელი აქტორების მოთხოვნა,"- ამბობს ნაცვლიშვილი
1
s
s
s