11, ნოემბერი 2021 10:54:00
გასული დღე-ღამის განმავლობაში, აჭარაში, დადასტურებულ ინფიცირებულთა რაოდენობა 133-ს გაუტოლდა. ჯანდაცვის სამინისტროს ცნობით, გუშინ, კოვიდი დაამარცხა 128 ადამიანმა.
უწყების ინფორმაციითვე, გარდაიცვალა 7 მოქალაქე.
ამ ეტაპზე, მკურნალობს 1 869 ინფიცირებული, მათგან Covid კლინიკებში - 588, Covid სასტუმროებში - 281, ონლაინ კლინიკაში - 1000.
ცნობისთვის, საქართველოში, კორონავირუსით ინფიცირების 4 563 ახალი შემთხვევა დაფიქსირდა.
შეგახსენებთ, ჯანდაცვის მსოფლიო ორგანიზაციამ კორონავირუსი პანდემიად 2020 წლის 11 მარტს გამოაცხადა. მანამდე კი, 30 იანვარს ჯანმომ კოვიდი გლობალურ საფრთხედ გამოაცხადა.
საქართველოში ვაქცინაცია პანდემიიდან 1 წლის შემდეგ, 2021 წლის 15 მარტიდან "ასტრაზენეკათი" დაიწყო.