13, სექტემბერი 2017 17:04:00
2018 წლის პროგრამების საჯარო განხილვა გაიმართა აჭარის განათლების, კულტურისა და სპორტის სამინისტროში. დოკუმენტის პირველადი ვერსიის მიხედვით, სამინისტროს პროგრამების დაფინანსება 3 მილიონ 28 ათასი ლარით იზრდება და ჯამში 31 მილიონ 484 ათას 270 ლარი იქნება. პრიორიტეტად საგანმანათლებლო დაწესებულებების ინფრასტრუქტურის გაუნჯობესება და ინვენტარით აღჭურვა დასახელდა, რისთვისაც 9 მილიონ 754 ათას 450 ლარი გამოიყოფა. 2018 წლისთვის სულ 40 საგანმანათლებლო დაწესებულების რეაბილიტაცია იგეგმება, აშენდება 16 ახალი სკოლა, აქედან ერთი - ბათუმში. 2018 წელს ამოქმედდება ერთი ახალი - შემოქმედებითი ინკუბატორის მხარდაჭერის პროგრამა. შეხვედრა დისკუსიის ფორმატში გაიმართა.