ბათუმის საქალაქო სასამართლოში აჭარის პოლიციის ყოფილი უფროსი დაიკითხა. კახაბერ ბუხრაძემ პროცესზე განაცხადა, რომ მერაბ ღოღობერიძე, რომელიც 11-12 მარტის აქციების ორგანიზებაშია ბრალდებული, სთხოვდა მიეცა უფლება მართვის მოწმობის გარეშე ემოძრავა ქალაქში, წინააღმდეგ შემთხვევაში კორუფციაში დაადანაშაულებდა . მისივე თქმით, ღოღობერიძე მას კონკრეტული სატვირთო ავტომობილების რიგის გარეშე გატარებასაც სთხოვდა. მოწმემ დღევანდელ სხდომაზე 11-12 მარტის მოვლენებში მერაბ ღოღობერიძის ორგანიზებას გაუსვა ხაზი და აღნიშნა, რომ საკუთარ განცხადებაზე პასუხიმგებელია. მისივე მტკიცებით, ბრალდებული სოციალური ქსელით და ასევე პირადი კონტაქტების საშუალებით ცდილობდა მოსახლეობა მისი მისამართით უარყოფითად განეწყო. ღოღობერიძე ფეისბუქში და ნაცნობ-მეგობრების წრეში აფიქსირებდა, რომ კახაბერ ბუხრაძე აჭარის მოსახლეობას შეურაცმყოფელი ფრაზებით მოიხსენიებდა. რასაც როგორც თავად ბუხრაძე ამტკიცებს ადგილი არ ჰქონია. დღეს პროცესზე კიდევ ოთხი მოწმის დაკითხვაა დაგეგმილი. გამომძიებელ ინსპექტორებმა სასამართლოს მათ მიერ წარმოებული საგამოძიებო მოქმედებების ავთენტურობა უნდა დაუდასტურონ.
3
s
s
s