05, ოქტომბერი 2017 17:15:00
6 და 7 ოქტომბერს, ევროპის მოედანზე, სოფლის ტურიზმის ფესტივალი „განდაგანა 2017“ გაიხსნება, სადაც აჭარის ხუთივე მუნიციპალიტეტი კუთხისთვის დამახასიათებელი პროდუქტებით, ხილით, ტკბილეულით, ხელნაკეთი ნივთებითა და ტრადიციებით იქნება წარმოდგენილი. ღონისძიებაზე მისული ტურისტები და სტუმრები ევროპის მოედანზე დაწურავენ ღვინოს, რომელიც ერთ-ერთ საოჯახო მარანს გადაეცემა. სოფლის ტურიზმის ფესტივალ „განდაგანა“-ს მიზანი მთიანი აჭარის პოპულარიზაცია და მისი წარმოჩენაა.